Бүгү Тываның чонунуң кичээңгейинге!!! Июнь 3-те Бүгү Таңды-Тывазының Улуг Дагылгазы, Ыдыктыг Бай-Тайганың улуг Оваазының девискээринге республиканың эр хиндиктиг чону-биле бир деңге, чонувустуң хей-аъдын, сүлде-сүзүүн бедидип, ниитилелге чогумчалыг чорукту, чаңгыс-аай демни чедип алыр сорулгалыг Дагылгазы болурун дыңнадып, Силерни хүндүткел-биле чаладывыс!
Программада:
11:00 шакта - Бүгү Тываның "Таңды саны" судурунуң мөргүл номналының ёзулалы;
14:00 шакта - Дагылга соонда Ыдыктыг Оваадан "Тейлер" девискээринде "Чоксум" (Көп-Сөөк) хүрээзиниң чанынга болуп эртер хемчеглер: байырлал концерт; эр улустуң үш-мөөрейи - аът чарыжы, тыва ча: баг адар хевири, тыва хүреш маргылдаазы.
Бүгү чоннуң, чүдүкчүлерниң кичээңгейинге!
Оран таңдыга, бойдуска камныг, амыдыралдың айыыл чок чоруун, экологтуг, санитар-гигиеналыг, өртке удур дүрүмнерни, Ыдык «Сака Даваа» Айның негелделерин шыңгыы сагыырын, организастыг болгаш корум-чурумнуг байдалдарны хандырарын, мөргүл-номналдар, культура-массалыг болгаш спортчу хемчеглер үезинде, лама-башкыларга, бот-боттарыңарга улуг хүндүткелдиг болуруңарны диледивис.
Дагылга үезинде бурган-сагыызыннарга, оран-таңдының ээлеринге тейлеп, ыдыктыг тариналарны шээжилеп, чүдүп, сеткил-сагыжынарны арыглап, дыштанып, хөглеп алырыңарны күзеп, арыг сүзүктүг, бедик сүлделиг болуруңарны күзеп йөрээп, чалап тур.
Бай-Тайга кожууннуң кожуун чагыргазы, Тыва Республиканың Камбы-Лама эргелели.
Июнь 3-те Бүгү Таңды-Тывазының Улуг Дагылгазы
27 Май.
